Апрель 29-та эрттер делегей чергелиг төөгүлүг акцияга Тыва республиканың шупту муниципалитеттеринден баш удур 3950 аңгы-аңгы назы-харның болгаш мергежилдерниң кижилери киржир кылдыр бүрүткеткен.
Тывага 79 шөлчүгешке акцияны эрттирер. “Тиилелгениң диктантызы” акцияның төп шөлү – Кызылдың Н.Н. Макаренко аттыг №15 Лицейи.
Киржикчилер 25 даалга кылыр, оларның 20-зи ниити дайын-төөгүлүг тема болгаш 5-и регионалдыг темалар. Диктантының чамдык айтырыглары Ада-чурттуң Улуг дайынының бирги чылынга болгаш бо чылын 125 харлаар өндүр совет полководчулар Георгий Жуков болгаш Константин Рокоссовскийниң юбилейниге тураскааткан.
“Тиилелгениң диктантызы” акция бо чылын 3 дугаар болуп эртер. Бо акцияны “Чаңгыс демниг Россия” партиязы, Россияның төөгүлүг, шериг-төөгүлүг ниитилелдери болгаш “Тиилелгениң волонтерлары” шимчээшкиннери организастап турар.
ТуваМедиаГрупп