Тываның Баштыңы албан-хүлээлгени күүседип турар Владислав Ховалыгның Россия Федерациязының транспорт сайыды Виталий Савельев-биле “регион шагы” хевирге ажыл-агыйжы ужуражылгазының түңнелинде, Москва – Кызыл – Москва угланыышкынныг авиааргыжылгаларга субсидия бээри катап чедип алдынган.
Субсидиялыг авиааргыжылга билеттерин 2021 чылдың сентябрь 6-дан эгелеп, «ИрАэро» авиакомпанияның албан езузунуң сайтызындан азы авиакассалардан садып ап болур.
Өске авиамаршруттардан бюджет акша-хөреңгизин эде үлеп, авиарейске субсидияны чедип алган деп, регионнуң Орук-транспорт яамызы тайылбырлаан.
Авиарейс неделяда дөрт катап ужар, Москвадан: понедельник, среда, четверг база улуг-хүнде, а Кызылдан: понедельник, вторник, четверг база пятницада ужуп үнер.
Субсидиялыг авиабилеттерни дараазында бөлүктүң хамаатыларынга садарын сагындыраал: 23 хар чедир назылыг хамаатылар, 55 хардан өрү назылыг херээжен, 60 хардан өрү назылыг эр кижилер, инвалидтер база оларны үдеп чоруур кижилер, хөй ажы-төлдүг өг-бүлелер база “Океан” уруглар төвүнче путевкалыг уруглар.
ИА ТуваМедиаГрупп
