Майның дыштаныр хүннеринде Кызыл хоорайның чурттакчыларынга эптии-биле коронавирус халдавырынга удур немелде тарылга пунктуларын организастаар, ооң иштинде дача ниитилелдериниң девискээрлеринге база.
Май 1-ден 5-ке чедир күзелдиг кижи бүрүзү дараазында черлерге тарылганы эртип болур:
– Май 1-де – Россельхозбанк артында Дружба кудумчузунда автомобильдер доктаар шөл.
– Май 2-де – Вавилин ээтпээ, 11.00 шактан 13.00 шакка чедир “Кара-Чыраа” садыынга, 13.00 шактан 16.00 шакка чедир “Злато” садыынга.
– Май 5-те – Кызылдың оң талакы эрикте дачаларның төнчү автобус доктаамы “Звероферма”, 11.00 шактан 16.00 шакка чедир.
Дараазында пунктуларга хүннүң-не 9.00 шактан 17.00 шакка чедир вакцина бар болза тарыдып ап болур:
1. Чонну ажылга хаара тудар төп, Кочетов кудумчузу, бажың 35.
2. Садыг төвү “Курай”, Московский кудумчузу, бажың 30/2.
3. Садыг төвү “5 сылдыс”, Калинин кудумчузу, бажың 3/2.
4. Кызыл хоорайның Чөөн микрорайонунда көдээ ажыл-агый рыногунуң оран-савазы.
Оон ыңай чурттап турар чериниң аайы-биле поликлиникаларже Күрүне дузазы порталын таварыштыр бижидип алгаш, тарылганы салдырып болур.
Тарылга пунктузунче баарда дараазында документилерни бодунга ап алыр: паспорт, СНИЛС болгаш медицина полизи.
Кызыл хоорайның мэриязы дача ниитилелдериниң чурттакчыларын тарылганы ап, Covid-19-тан боттарын камгаладып алырын кыйгырып тур.
