ЗдравоохранениеНовости

Covid-19-ка удур вакцинаның ийиги кезээн 5287 кижи салдыртпаан

Тываның Кадык камгалал яамызы чаа коронавирус халдавырындан база ону аар эрттеринден камгалал кылдыр тарылганың долу курузун салдырып алыры чугула деп айтып турар.

Июль 28-те эрткен Covid-19-ка удур оперативтиг штаб хуралынга, вакцинаның ийиги кезээн 5287 кижи салдыртпаанын, 3893 кижи саадап салдыртканын албан чери дыңнаткан.

Бай-Тайга кожуунда тарылганың бирги кезээн алган кижиниң 25 хуузу, азы 685 кижи ийигизин салдырып келбээн. Ийиги черде Эрзин кожуун, бир дугаарын тарыдып алгаш, ийигизинче келбээн кижиниң саны – 273.

Чаа-Хөл кожуунда бир дугаарын тарыткан кижилерниң 10,5 хуузу, азы 220 кижи ийигизин манап турар. Тожуда – 246 (10,6 хуу), Кызыл хоорай поликлиниказында – 1001 (7,9 хуу), Чеди-Хөлде – 145 (7,9 хуу), Тес-Хемде – 164 (7 хуу), Тере-Хөлде – 35 (7 хуу), Чөөн-Хемчикте – 347 (6,8 хуу), Барыын-Хемчик кожуунда – 345 кижи (6,3 хуу) долу курсту ам алыр.

Кызыл кожуунда, республиканың 1 дугаар эмнелгезинде, Сүт-Хөл, Таңды, Өвүр, Улуг-Хем, Каа-Хем, Мөңгүн-Тайга, Бии-Хем кожууннарда тарылганың долу курузун алган кижилерниң үлүү республикада ортумак көргүзүгден куду.

Бо сөөлгү хонукта аарыг чыпшырып алган 170 кижиниң 90 хуузу ажылдап турар улус бооп турар. Ол чүнү көргүзүп турарыл дээрге, хөй кижилер-биле харылзажыр ажылдыг кижилер тарылганы албан кылдырып алыры чугула дээрзиниң бадыткалы. Тарылганың долу курузун алган кижиге Covid-19-ка удур быжыг иммунитет тургустунарын билип алыры артык эвес.

ИА ТуваМедиаГрупп

Похожие записи

Новости

Популярные записи