Тываның Көдээ ажыл-агый болгаш аъш-чем яамызының медээлери-биле алырга, республиканың шупту өнчү хевириниң көдээ ажыл-агыйларында 700668 баш санныг төрүүр шээр малдан ниитизи-биле 560535 анай-хураганны алыр, төрүттүнген чаш малдың 80 хуузун онча-менди азырап өстүрер сорулга салдынган. Көдээ бүдүрүлгелер – 48948, арат-фермер ажыл-агыйлар – 191947, көдээ ажыл-агыйның биче кооперативтери – 68835, хууда дузалал ажыл-агыйлар 250805 баш анай-хураганны онча-менди камгалап алыр.
Кожууннар чагыргаларының көдээ ажыл-агый эргелелдериниң сөөлгү дыңнадыглары-биле алырга, чоокку хүннерге чедир 700668 баш санныг төрүүр шээр малдан 431216 анай-хураган төрүттүнген, азы хой-өшкүнүң 77 хуузу оолдаан. Көдээ бүдүрүлгелерде – 24447 баш (50 хуузу), арат-фермер ажыл-агыйларда – 152596 баш (79 хуузу), көдээ ажыл-агыйның биче кооперативтеринде – 50229 баш (73 хуузу), хууда дузалал ажыл-агыйларда 203944 баш (81 хуузу) хой, өшкү төрээн. Эң-не хөй анай-хураган Тес-Хем кожуунда онча-менди доругуп турар – 32640 баш (планнаттынганындан 109 хуу), Чөөн-Хемчик кожуунда – 43742 баш (планнаттынганындан 89 хуу), Сүт-Хөл кожуунда – 52435 баш (планнаттынганындан 86 хуу). Көдээ бүдүрүлгелерде – 24447 баш (50 хуузу), арат-фермер ажыл-агыйларда – 152596 баш (79 хуузу), көдээ ажыл-агыйның биче кооперативтеринде – 50229 баш (73 хуузу), хууда дузалал ажыл-агыйларда 203944 баш (81 хуузу) хой, өшкү төрээн.
Чоокку хүннерге чедир инектерниң 52 хуузу төрээн, 32187 бызаа онча-менди доругуп турар. Көдээ бүдүрүлгелерде – 320 баш (планның 15 хуузу), арат-фермер ажыл-агыйларда – 5578 баш (планның 49 хуузу), көдээ ажыл-агыйның биче кооперативтеринде – 1495 баш (планның 41 хуузу), хууда дузалал ажыл-агыйларда 24794 баш (планның 55 хуузу). Эң хөй бызаалар Тес-Хем кожууннуң мал ажыл-агыйларында төрүттүнген – 2887 баш (планның 74 хуузу), Чөөн-Хемчик кожуунда – 3936 баш (планның 68 хуузу), Кызыл кожуунда – 3139 баш (планның 58 хуузу).
Ажыл-агыйларда 7726 баш кулун төрүттүнген (планның 30 хуузу).
“Аныяк өг-бүлеге – кыштаг” губернатор төлевилелиниң киржикчилери мал оолдаашкынын чедиишкинниг чорудуп турар. Оларның коданнарында хой-өшкүнүң 75 хуузу төрээн, 37602 анай-хураган онча-менди доругуп турар.
Сүт-Хөл кожууннуң аныяк “кыштагжыларында” 3885 баш анай-хураган төрүттүнген (планнаттынганындан 119 хуу), Мөңгүн-Тайга кожуунда – 1832 баш (планнаттынганындан 108 хуу), Тере-Хөл кожуунда – 3139 баш (планның 58 хуузу).
ТуваМедиаГрупп
