Россияныӊ бүгү девискээринге август 1-ден эгелеп көдээ ажыл-агый чизези эгелээр.
Чизени амгы үеде он чыл болгаш-ла, эрттирип турар. А беш чыл болгаш көдээ ажыл-агыйныӊ бичии чизезин кылыр. Бүгү Россияныӊ көдээ ажыл-агыйныӊ чизези 2016 чылда болган. Ынчан Тывада көдээ ажыл-агыйныӊ 242 организациялары болгаш бүдүрүлгелери, 896 тараачын-арат ажыл-агыйлары, 22 хуу сайгарлыкчылар, хуу мал ажылдыг – 57724 черлер, сад, дача, огородтуг хамаатыларныӊ коммерциялаг эвес 61 каттыжыышкыннары турган.
2016-2021 чылдарда республиканыӊ көдээ ажыл-агыйынга дыка хөй өскерилгелер болган. Ынчангаш көдээ ажыл-агыйынга бичии чизе ажылын бир ай иштинде чорудар.
ИА ТуваМедиаГрупп
