Таңды кожууннуң Өг-бүлеге болгаш уругларга социал деткимче көргүзер төвүнүң специалистери кожууннуң хоочуннарынга болдунар-ла шаа-биле кезээде дузазын көргүзүп турар.
Балгазын суурнуң социал ажылдакчылары Айлаң Ижи, Татуя Чооду кожуун чагыргазының ажылдакчылар-биле кады тылдың хоочуну Антонина Попеляеваны тегерип четкеннер. Олар хоочуннуң бажыңының девискээрин боктан аштап-арыглааннар. Хоочун-биле ижик-кара чок хөөрежип ора, ону кандыг берге айтырыглар дүвүредип турарыл, күзээшкиннери бар бе деп айтырып чугаалашканнар.
Бажыңның ээзи эки турачыларга өөрүп четтиргенин илереткен. “Улуг назылыг кижилерге аныяктар дузалажып турары өөрүнчүг-дүр. Кырганнарга хөй чүвениң-даа херээ чок. Аныяк өскенниң аразынга бодумну ам-даа херектиг болгаш чугула кижи кылдыр миннип тур мен” – деп, Антонина Семеновна өөрүшкүзүн илереткен.
ТуваМедиаГрупп
