ТР-ниң Дээди Хуралының депутаттары Амбулаторлуг диагностика болгаш Covid-19 эмнээр төптүң баазазында колл-төпте ажылдап эгелээн.
– Коронавирус хамчыы-биле холбашкан эпидемиологтуг байдал республикада нарын болуп артпышаан. Бөгүн депутат эш-өөрүм-биле Covid-19 аарыгны тодарадыр болгаш эмнээр республика төвүнде дежурныйлап тур бис.
Эртенги шакта Дээди Хуралдың Даргазы Каң-оол Даваа-биле ээлчээвис эрттирип, долгап келген улустуң айтырыгларынга телефон-биле харыылап, онза чугула байдалда эмчилерге дилеглерни дамчыдып тур бис. Дүъш соонда өске депутат бөлүк бисти солуур.
Республика девискээринге халдавырлыг хамчык аарыын эмчилеривис узуткаарынга депутаттарның талазындан шаавыс-биле эки тура дузавыс-тыр.
Кадыкшылыңарны камнап, санитар-эпидемиологтуг негелделерни сагып көрүңер, чаңгыс чер чурттугларым – деп, депутат соцчеткилерде бижээн.
ИА ТуваМедиаГрупп
