Балгазын суурнуӊ 43 харлыг чурттакчызы арга иштинге хылба чыып ап чорааш, боо тып алган. Орук олчазын бодунга холгааргап алырын ол бодаваан. Июнь 11-де Бай-Хаак суурнуӊ полициязынга барып четкеш, хүлээдип берген.
Заводка 1964 чылда бүдүрген эрги боону Иштики херектер яамызыныӊ эксперт-криминалистика төвүнче чорудупкан.
«Тыва Республикага 2021-2024 чылдарда хөй-ниитиниӊ айыыл чок чоруун хандырары болгаш кем-херек үүлгедир чоруктарга удур хөделири» күрүне программазы ёзугаар, ук яамы тускай сорулгалыг хемчеглерни эрттирип турар.
Эки туразы-биле ок-боону, частыр бүдүмелдерни полицияга дужааган хамаатыларны акша-биле шаӊнаар.
ИА ТуваМедиаГрупп
