Тываның школа назыны четпээн уругларның өөредилге албан черлеринге февраль 5-25 хүннеринде хүреш маргылдаазы болуп турган.
Өзүп олурар салгалдарны чоннуң муң-муң чылдар төөгүлүг езу-чаңчылдарынга өөредип, ооң ачызында кадык чаагай амыдыралды суртаалдаар сорулга-биле Тыва Республиканың Өөредилге болгаш эртем яамызы «Уруглар садтарында хүреш» төлевилелди тургускаш, боттандырып турар.
Бо төлевилел шыырак, салым-чаяанныг бичии мөгелерни тып илередип, тыва хүреш оюнун сайзырадырынга үлүг-хуузун киирер.
Республиканың шупту кожуун, суурларында тус-тус өөредилге албан черлериниң маргылдааларынга 4-7 харлыг, шупту 5000 ажыг бичии оолдар киришкен.
ТуваМедиаГрупп