Бүгү республиканың Өг-бүлеге болгаш уругларга социал деткимче төптериниң ажылдакчылары кижизиттирикчилеринге кышкы дыштанылгазын ажыктыг болгаш долу эрттирзин дээш аңгы-аңгы хемчеглерни организастап эрттирген.
Кызылдың Өг-бүлеге болгаш уругларга социал деткимче төвүнге Рождество байырлалында «Хуулгаазыннар шөлү» деп оюнну эрттирген. Төптүң башкылары уругларга Рождество байырлалының төөгүзүн, езу-чаңчылдарының дугайында таныштырган. «Хуулгаазыннар шөлү» деп оюнга уруглар православ чүдүлгелиг чоннуң езу-чаңчылдарын кайы-хире билиринге мөөрейлешкен.
Оюнну езулуг телевизионнуг шоуда ышкаш дөрт чадалыг болгаш түңнел мөөрейлиг эрттирген. Түңнел оюнга Анастасия Стрижнева эң-не хөйнү билири болгаш тывынгыр-сагынгыры-биле тергиидээн.
Сүт-Хөл кожууннуң социал деткимче төвүнүң уругларынга башкылар чараш дүрзүлер чуруурун өөреткен. Уругларга ылаңгыя шоколад-биле ховаганнар чурууру дыка чараш, онзагай болган.
Кызылда Уруглар бажыңының чаштарынга «Рождествонуң колядкаларын» эрттирген. Оюн-тоглаа үезинде уруглар православ чоннуң онзагай чырык байырлалы – Рождествону канчаар байырлаарын билип алганнар. Шупту боттарының салым-чаяанын аңаа көргүскен. Уруглар байырлал дугайында шүлүктер болгаш ырыларны шээжилеп алганнар.
Шупту социал төптерде кышкы, узун дыштанылга хүннеринде уругларны солун хемчеглер манап турган.
ИА “Тувамедиагрупп”
