Тываның Баштыңының албан-хүлээлгезин күүседип турар Владислав Ховалыг бөгүн Эрзин-Кунгуртуг автооруунга улуг автомобиль авариязы болган деп социал четкиде бодунуң арынынга дыңнаткан.
Тере-Хөл кожууннуң чурттакчылары чораан «Урал» автомашина Нарын арттың кырынга аңдарылган.
Баш бурунгаар дыңнадыглар-биле алырга, когараан кижилер бар бооп турар. Авария болган черже Эрзин кожун чагыргазының төлээлери, «Дүрген дуза» машиналары, өрт кезээниң ажылдакчылары үнүпкен. Таварылга болган черже хары угда Кунгуртугдан база машиналар уткуй углапкан. Автооруктуң берге байдалының ужун санавиация вертоледу ужуп үнген.
Когараан кижилерге улуг дузаны көргүзерин шупту ажыл-албаннарга даалганы бердим.
ТуваМедиаГрупп
