Сүт-Хөл кожууннуң Кызыл-Тайга суурундан «Чаа сорук» губернатор төлевилелиниң бо чылгы киржикчизи Роман Ондарга 200 баш шээр малды кожууннуң муңчу малчыны Буян Ондарның малындан шилип четчелээш, хүлээткен.
Роман Ондарның кыштаа белен. Чаа сорукчу малды муңчу малчындан дамчытканы анаа эвес деп санап турар. Ол каш чылдар эртерге, малының баш санын өстүрүп, муңчуларның санынче кирип, сорулгазын чедип алыр дээш чымыштыг ажылын эгелээн.
