Тываның Кадык камгалал яамызының дыңнадыы-биле, Тывага эрткен неделяда 19 кижи коронавирус аарыындан экижээн, 10 кижиниң аарыы бадыткаттынган.
Кызыл хоорайдан 1 кижи, Каа-Хем кожуундан 1, Таңды – 2 база Чаа-Хөл кожуундан 6 кижи аараан, оларның аразындан бир бичии уруг болгаш 65 хардан өрү назылыг ийи кижи.
Халдавырлыг аарыглар эмнелгезинде коронавирустан аараан 33 кижи чыдар, оларның шуптузу хөрээнде дегдириишкинниг. Аарыг 10 кижиниң байдалы берге, бирээ кижини ИВЛ аппаратта кошкан. Бажыңнарында 15 кижи эмнээшкинни ап турар.
Неделя дургузунда 2492 лабораторлуг шинчилелдерни кылган.
Бо чылдың эгезинден турар COVID-19 аарыгдан 975 кижи араан, оларның аразындан 23 кижи мөчээн.
