Бөгүнгү Тыва Чазактың аппарат хуралынга орук-транспорт комплекизиниң сайыдыныӊ хүлээлгезин күүседип турар Шораан Чыргал-оол амгы үеде республикага суггур чаъс чагган түңнелинде чамдык орук участоктары берге байдалда келгенин дыңнаткан. Ол дээрге “Бай-Хаак – Чал-Кежиг”, “Бай-Хаак – Балгазын”, “Хандагайты – Ак-Чыраа” оруктарындан 70 киломтерде, Ак-Эрикче кирер орук, “Самагалдай – Ак-Чыраа” оруу.
Бо орук участоктарында сагындырыг демдектерни салган, ояр оруктарны белеткээр талазы-биле ажылдарны организастаан. Чиик автомобиль башкарып чоруур хамаатылар кичээнгейлиг болуру чугула.
Оон ыңай Тере-Хөл кожуунда Тарыс аржаанында дыштанып турар хамаатыларга Балыктыг-Хемни кежери бергедээн деп демдеглеттинген. Ооң түңнелинде хемни сүзүп кежер дээш, сугнуң чавызаарын манап турар 40 кижи бар. Оларның бежи назы четпээн уруглар.
Чурттакчы чонну суг көдүрлүп турар үеде, хемнер, суглар кешпейн, ынаар чоокшулавайн, чаш ажы-төлдү эки хайгаараарын дилеп турар.
ИА ТуваМедиаГрупп
